فريندز للمحمول
عزيزي الزائر / عزيزتي الزائرة: يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك

شكرا
ادارة المنتدي

فريندز للمحمول

فريندز
 
الرئيسيةالتسجيلدخول

شاطر | 
 

 بيني وبينك يا الشـربيني

اذهب الى الأسفل 
كاتب الموضوعرسالة
amir
Admin
avatar

عدد المساهمات : 1767
تاريخ التسجيل : 04/01/2010
العمر : 43

مُساهمةموضوع: بيني وبينك يا الشـربيني   السبت 13 مارس 2010, 2:39 pm


[size=25]بيني وبينك يا الشـربيني
عقل مراتي هو اللي كاويني
صوم رمضان يعني مصبَّرْني
وِمْراعي فيهـا ربي وديني.

في اليوم تعمل لها كام عملة
والفيـل عندها يصبح نملة
وِانْ قلت يا هانم ما يصحِّش
تعمل لي قضايا وبالجُمـلة.

لما زهقت، وآدي مـرارتي
طقِّت، واحكي لك عن حالتي
يمكن ألاقيك كده تعـذرني
ما خلاص الناس جايبة ف سيرتي


قالت نِفسي ف كحك العيـد
في صـواني، وحبِّة تجـديد
وشوية شوية لقيت نفسـي
متورط وهاروح في حـديد.

أصل الهانم وبسلامتـها
من غير ما اعرف، و"بشطارتها"
راحت رهنت عفش البيت
عند شلاطة بن ام خيبتها.


وده واد مؤذي زعيم عصابات
كل تعامله ده بالدراعـات
وان ما دَفَعْت يا حبـة عيني
ينزل فيك ضرب بونيَّـات.

وانا يعني صحتي على قدي
حساس ودموعي على خدي
جنب الحيط هو شعار عمري
وماليش في السكة اللي تودي.


جيت من شغلي لقيت ستات
م الحتة وصبيـان وبنـات
قاعدين يفتلوا كحك ف بيتي
ويرصوا في صواني وصاجات

قلت يا هانم كـده تبذير؟
قالت عيـد والشغل كتير.
قلت خلاص أدخل وأريَّح
رحت أنام ما لقيتش سرير!


يا نهار أزرق على عِنّـابي
فين يا وليّة سريري ودولابي؟
ضَرَبِتْ لَخْمَة ورَقَعِتْ صوت
لخبط حال أهل جنـابي!

هو سريرك أيه يا مكحكح
قوم ياللا اتحرك واتلحلح
بُص في قايمة يوم تعاستنا
شوف اسمي منوَّر، يا متنَّح؟


أيوه رهنت يا خويا حاجاتي
لاجل اعمل لك كحك نباتي
بالسمن البلدي اللي ما شفته
في حياتك يا مسود لي حياتي.

شوفوا يا خواتي يعض الإيد
وصـوابعي شمعة وبتقيـد
دا العفش اتنيِّـل واتهكَّـع
قلت أجيب عفش وتنجيـد.


يبقى جـزاتي ان انا حبيت
أفرح ف العيد واملا البيت؟
أيوه صحيح راجل ما بيفهم
ولا عنده شـوية إتيكيت.

يعني ننام ع القايمة يا ناس؟
كيف افهِّم وش النسناس؟
أنا يا خوانَّا خلاص هانشلّ
ضغطي خلاص فرقع ف الراس!


وقعدت يا شربيني يا اخويه
سنتين في ديون مش معقولة
ولحد اليوم برضه غبـاءها
نصين واتقسمت دي الفولة.

أما الكحك يا عيني عليـه
ما اعرف أيه غيَّر حاله أيـه
نص عجين، والنص حـروق
م الدرجة الأولى السـواريه.


بادعي المولى أهوه ف رمضان
تنهدّي يا وش الغِـربان
يا كتيبة أوجاع ومصايب
ودواهـي بكـل الألـوان.



[/size]





[b]اتق الله حيثما كنت واتبع السيئه الحسنه تمحؤها[/b]



محمد الامير
الرجوع الى أعلى الصفحة اذهب الى الأسفل
http://friends4gsm.yoo7.com/
hardy88
عضو ذهبى
عضو ذهبى
avatar

عدد المساهمات : 1017
تاريخ التسجيل : 02/01/2010
العمر : 28

مُساهمةموضوع: رد: بيني وبينك يا الشـربيني   الأحد 14 مارس 2010, 11:56 am

.













كلامك حلو اوى والله
الرجوع الى أعلى الصفحة اذهب الى الأسفل
amir
Admin
avatar

عدد المساهمات : 1767
تاريخ التسجيل : 04/01/2010
العمر : 43

مُساهمةموضوع: رد: بيني وبينك يا الشـربيني   الأحد 14 مارس 2010, 12:06 pm

انتى الاحلى ياهارتى ياعسل
ههههههههههههههه





[b]اتق الله حيثما كنت واتبع السيئه الحسنه تمحؤها[/b]



محمد الامير
الرجوع الى أعلى الصفحة اذهب الى الأسفل
http://friends4gsm.yoo7.com/
 
بيني وبينك يا الشـربيني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فريندز للمحمول :: المنتدى الثقافي :: القسم الادبى-
انتقل الى: