هموم الناس

موضوع: هموم الناس الأربعاء 03 مارس 2010, 6:12 pm

النهــارده المغــربيه كـنت ماشـي أسـأل ســؤال
نفسـي أقابل أي حـد ألاقـي عـنده إجـابة الســؤال
فجـأه لقـيت الـواد زناتي أبن عـمي الشـيخ هــلال
قلتله رايح فـين يازيزو قـالي مـش عــارف يا خـال
قلتـله هــو أنت تـايه ولا أيــه يا أبــن الحــلال
قال والله ماأعرف أديني ماشي بس ليه ؟ أهو ده السـؤال
قـلت لا حـول الله ياربي أحـنا الأتنـين نفـس الخصال
قـال دا مش إحنا بس . دا النـاس بحالها اتهبلت هـبال
هـو اللـي إحـنا فيه شـويه ؟ من الغلا وقرف العـيال
دا كـيلو الزيت بعشـره حتي الرغـيف صـعب المنـال
حتي كمـان الفـول يا خـويا اللـي كانت تكـله البغـال
النهـارده بقـاله سعـر . وهو فـين ؟ ياريت شــوال
والمصـيبه العـدس الأصـفر علشان تجيبه داشئ محال
أنت فـين يا أبو جـبه رحـت وفـين زمانك زمن الريال
حتي الخضـارأنزل السوق تشوفه تقول يا عيني ع الجمال
أحمر وأسود وأخضر وأصفر بس سـعره فوق الاحتمـال
والوليـه مـنين تجـيبه وأنـا اللي معـايا يادوب ريـال
لمـا ولادي مرضـت بالأنيـميا وجلها ضعف وكمان سعال
الـواد محمد والبت خوخه وأحمد أخـوهم وسـعد ومنال
وسعـدون وجابر والـبت صـبحه وأمهم والـواد جـلال
طب وأنـا ناسـي نفسي ليه ؟ دا أنا منهـم وأبو العيـال
بقـيت أعـاني زيهـم من المـرض وفقـر الـدم والهزال
قلت يااااااه كل ده شـايله في قلبك وأنت سـاكت ذي الجمال
قـال بأيـدي إيه أعمـله طب قـولي أنت يا أبـن الحـلال
هـو أنت ناسي أني أرزقي يـوم بشـتغل وتـلاته بطــال
هيجي منين اللي أصـرفه عالكسـوه والـدوا وأكل العيـال
الله يكون في عون الأرامل واليتامي واللي عنده أورطة عيال
ربك معاهم هـووحـده اللي يعـنهم عالـزمن وعلي داالحال
رحـت سـاكت مره وحده وخرسـت خالص لما اتكلم وقـال
وقلتله خلاص يا زيزو أسكت بقه . لقيت عندك إجابة السؤال
ــــــــــــــ

موضوع: رد: هموم الناس الجمعة 05 مارس 2010, 9:35 am

موضوع: رد: هموم الناس الجمعة 05 مارس 2010, 5:21 pm

موضوع: رد: هموم الناس السبت 08 مايو 2010, 11:13 am

عندك حق فى اللى قولته كله لان فعلا ده الحال

موضوع: رد: هموم الناس الأحد 09 مايو 2010, 3:43 pm

شكرا رضا على المرور

اتمنى الافاده للجميع

» مشكلة سب الدين عند كل الناس ادخل وبجد مش هتخسر حاجة
» الحنث في اليمين يستوجب الكفارة كشف عورات الناس إثم كبير